المداح أسطورة العشق تحليل الحلقة ٢٤

اللي صابك يا أمينة هو نفس اللي صاب رحاب!..

---

أبن صابر ابن جن! وانتي قاعدة هنا عشان يجرب عليكي العلاج مش اكتر!.. 

 

الموعود في قبضة قزح وهند!.. 

 

الحرب في نهايتها.. 

وعز خلاص قرب من هند!.. 

يلا بينا ندخل في عالم صابر المداح…

 

من يوم ما دخل جمال المغارة وهو اتمس من قزح.. مبقاش جمال.. فاكرين لما دخل المغارة وكان حمزة واقف بره.. جمال وقتها شاف حمزة جوه وحاول أنه يأذيه.. لكن لما خرج اكتشف ان حمزة لسه زي ما هو بره المغارة.. فاللي اتشكل له ده كان قزح على شكل جمال!… 

 

ومن وقتها وبقى يشوف كائنات غريبة…. وبقى يتكلم مع نفسه.. حتى صابر لما شاف في عيون أمينة ايه اللي حصل معاها جوه المغارة.. وشاف ان جمال هو اللي عمل فيها كده.. وان قزح كان بيجي لامينة على شكل جمال.. فمن وقتها صابر رفض الجواز من امينة وجمال.. فهنا جمال بدأ يكلم امه ان صابر ده دجال وكان شغال في فتح المقابر.. 

 

لكن فجأة اتغير من ناحية صابر.. وبقى يصدقه.. ولما صابر هرب أمينة جاب جمال للفيوم!.. فكان هدف جمال ايه اللي هو أصلا قزح؟ أنه يكون قريب من صابر فياخد منه ابنه كمان.. 

 

لان زي ما احنا قولنا قبل كده قزح من أتباع قبيلة هند بنت الأحمر..

وهند عايزه ايه؟ عايزه الموعود وابن أمينه! مش هي قالت لصابر اخر مره ان ابن أمينة ابننا وهناخده هو والموعود!.. 

 

وأهم اخدوا!.. 

 

واللي ساعد أمينة هي مين؟ أحلام اللي سحرت منال وبقت زي العروسه بتحركها مطرح ما هي عايزه.. 

 

أما عن الأمير فيلعب على صابر ويديله دوا قال ده هيعالجها!.. 

 

ومن الناحية التانية احلام اللي بتحرض منال بأنها تروح لامينة تخوفها من صابر وتقولها بالنص ( اللي صابك صاب امينة.. ابن صابر ابن جن برضه.. وانتي هنا عشان صابر يجرب عليكي العلاج) فهنا امينة تخاف من صابر لما يجيلها بالعلاج ( كنت جربت العلاج ده على نفسك الأول عالج مراتك بيه)!..

 

أمينة خلاص خافت من صابر ومبقتش تثق فيه ف تروح هربانه.. وتاخد مين معاها؟ عز الموعود واللي وزها تعمل كده هو جمال اللي هو اصلا ( قزح) فبكده الخطة نجحت!… 

 

ومن الناحية الثانية هايم بيحاول يقرب عصام منه.. عشان خلاص الأمير هيختفي من المشهد بعد ما نفذ مهمته.. هايم عايز عصام معاه لان طريق صابر معها!.. 

 

ودلوقتي هند معاها أبن أمينة اللي هيكون قربان لفك رصد المقبرة.. 

والموعود اللي هياخد قوة المقبرة.. 

لكن ناقص حاجه واحده عشان القوى تكمل؟

 

ناقص صابر عشان هو معاه الشجرة مفتاح كتاب الوعد والتابوت !.. 

 

بس يا ترى صابر هيقدر يوصل لابنه؟

ولا هتقدر هند بنت الأحمر واتباعها من ضم صابر ليهم؟!

 

لكن توقعي ان اللي هيساعد صابر في انه يوصل لابنه هو عماد!.. 

 

ولنا لقاء آخر ?