في مسلسل المداح ظهرت شخصية اسمها تاج.. وكانت ملكة من ملوك الجن العلوي المسلم.. واللي جايه عشان تساعد صابر.. وكانت حارس لصابر…
- Advertisement -
السؤال هنا..
هو فعلا الجن ممكن يتجسد على شكل بني آدم؟ سواء كان جن مسلم او كافر او حتى شيطان.. ده ممكن يحصل فعلا ولا مجرد أفكار خياليه..
أحب اقولك أيوة..
الجن عنده المقدرة انه يتشكل على اكتر من صوره.. ومش بيظهر في شكله الحقيقي الآن شكله الحقيقي صعب اي إنسان يتحمله.. فبيجي على صورة حيوان ( قط.. كلب.. ثعبان ) او اي حيوان آخر..
وكمان ممكن في حالات تانية ممكن يظهر على شكل بني ادم.. وفيه اكتر من وقعه في عصر سيدنا محمد اتشكل الشيطان على شكل بني ادم؟
ونذكر منها وقعت ابو هريرة لما في يوم مسك واحد بيسرق من ذكات عيد الفطر اللي بتتوزع على الفقراء قبل العيد بأيام.. ولما مسكه ابو هريرة الشخص ده اترجاه وقال له انه حد فقير وبيعول أطفال أيتام.. وطلب يديله من بيت المال ومش هيكررها تاني.. فاداله فعلا.. ولما ابو هريرة قابل النبي محمد عليه أفضل الصلاة والسلام سأله عن الشخص اللي جاله إمبارح عمل فيه ايه؟ فذكر له ابو هريرة انه سابه بعد ما قاله انه فقير وبيعول أطفال! فرد النبي صلى الله عليه وسلم انه كذاب وهيرجع لك تاني! وبالفعل رجع تاني ومسكه ابو هريره وقال له نفس الكلام انه فقير وبيعول أطفال فسابه ابو هريرة.. ورجع لسيدنا النبي ولما سأله عنه قال انه سابه.. فقال الرسول انه كذاب وهيرجع تاني..
واتكررت الحادث ده تلات مرات.. وفي اخر مره جاله الحرامي.. ومسكه ابو هريره فالمرة دي مسكه وماسبوش وقاله هسلمك لرسول الله! فالحرامي قاله انا هعلمك كلمات وهي انه قبل ما تنام يقرا اية الكرسي فمش هيقرب منه شيطان.. وسابه ابو هريرة بعد علمه الكلمات دي..
ولما حكى لرسول الله..
رد رسول الله ( صدق وهو كذوب) وبعدها قال لبه تعرف يا ابو هريرة مين اللي كان معاك لتلات ليالي؟ فرد ابو هريرة لا يا رسول الله.. فاجابه رسول الله انه شيطان!…
وذكر وقعه تانية ان إبليس شارك مع المشركين في غزوة بدر؟ لما الشيطان تجسد علي صورة سراقه بن مالك.. وفضل مع المشركين من وقت خروجهم من مكة.. فلما شاف إبليس الملائكة اللي شاركت مع المسلمين في الغزوة… خاف وجه يجري.. مسكه الحارث بن هشام من ايده.. وكان فكره سراقه.. فدفعه في صدره.. ووقعه على الأرض وهرب.. وقال وقتها المشركين لسراقة ( رايح فين يا سراقه؟! مش قلت لنا انك جار لينا ومش هتسيبنا أبدا.. فقال إبليس ( انا شايف اللي انتم مش شايفينه؟! وبعدها جري وحدف نفسه في البحر!..
فالشيطان كان حاضر في معركة بدر عشان يبث فيهم روح النصر واخد الثأر من المسلمين.. وقال الله تعالى: «وَإِذْ زَيَّنَ لَهُمُ الشَّيْطَانُ أَعْمَالَهُمْ وَقَالَ لا غَالِبَ لَكُمُ الْيَوْمَ مِنَ النَّاسِ وَإِنِّي جَارٌ لَكُمْ فَلَمَّا تَرَاءَتِ الْفِئَتَانِ نَكَصَ عَلَى عَقِبَيْهِ وَقَالَ إِنِّي بَرِيءٌ مِنْكُمْ إِنِّي أَرَى مَا لا تَرَوْنَ إِنِّي أَخَافُ اللَّهَ وَاللَّهُ شَدِيدُ الْعِقَابِ) الأنفال/48
مردة الشياطين فقط اللي بتصدف في رمضان.. لكن الجن عادي موجودين.. سواء مسلمين أو كفار.. فاللي تشكل على صورة سراقه كان شيطان من الشياطين مش إبليس نفسه..
ف في علماء أيدوا فكرة تشكل الجن على صور كتير ومنها التجسد على شكل بني آدم..
لكن عايز اقولكم حاجة مهمة جدا ؟
التجسد بيكون كامل لكنه تجسد وقتي ماينفعش يفضل على صورته البشرية كتير لانه كده هيكتسب منها الطبيعة الإنسانية وممكن عادي يتأذي زينا ويموت..
فهو بيظهر وقتي وبعدها يختفي ويظهر تاني ع نفس الشخصية.. زي ما كان بيحصل مع تاج كده بتظهر ف أوقات وتختفي وتظهر.. وعماد نفس الحكاية.. حتى ف الجزء اللي كان ف مليكة كانت بتختفي وتظهر بنفس الشكل لكن بتغيرات بسيطه عشان ماينفعش تفضل كتير بنفس الصوره البشرية..
- كتب /محمدمهني