" />
الحكاية نيوز alhekya.com
جميع الحقوق محفوظة الحكاية AlHekya

الكلام المفيد فى الهدنة ورسائل الحرب

0

 

- Advertisement -

– وأخيرا تم إقرار هدنة لمدة 4 ايام قابلة للتمديد هى فرصة لكل الأطراف ..

– فرصة لدولة الكيان لإعادة ترتيب الأوراق ..

– فرصة لحركة سماح لقراءة المشهد واعادة التموضع والتفكير فيما هو قادم ..

– فرصة لأهالي القطاع لإلتقاط الأنفاس ..

– فرصة لمصر للضغط ولإدخال مزيد من المساعدات بشكل آمن ..

– فرصة للاطراف الدولية للنظر بموضوعية للمشهد واعادة النظر فى الانحياز الأعمى للجانب الاس.رائي.لى ..

🔥هو اييه اللى حصل فى الايام اللى سبقت الهدنة دى !!؟

– اللى حصل الوضع وصل لتصعيد غير مسبوق فى المنطقة ، لم يحدث من عشرات السنين .. تصعيد واجراءات أصبحت مربكة لكل الأطراف والمحللين على السواء .. لكن إحنا هنا زى عادتنا هنبسط المشهد ونجيب الخلاصة !!

– الاردن صعّدت فى لهجتها الدبلوماسية الفترة الماضية

– وهددت بالتصعيد العسكرى على لسان وزير خارجيتها ومش كدة وبس

– لكن كمان البرلمان الأردنى بيناقش إلغاء اتفاقية الماء مقابل الكهرباء الموقعة مع دولة الكيان و ده معناه إن الوضع فى الأردن وصل لمرحلة تنذر بعواقب وخيمة !!

– وخصوصا إن الاتفاقية دى الإمارات طرف فيها !!

– مصر توقفت عن اطلاق التصريحات لمدة ثلاثة أيام و ده يدل على غضب مكبوت

– وفجأة صحينا الصبح لاقينا رئيس الوزراء المصرى مصطفى مدبولى واقف فى البرلمان المصرى بيلقى خطاب يشرح فيه الوضع الحالى ويقول إن مصر جاهزة للتحرك العسكرى للدفاع عن الأمن القومى المصرى طبقا لما يقتضيه القانون الدولى

– معنى اللى حصل انه بيطلب تفويض من البرلمان للتحرك العسكرى اذا لزم الامر ..

– والحقيقة إن البرلمان ماكدبش خبر واعلن للعالم كله وقوفه بجانب الجيش والاجهزة السيادية ودعمهم في إتخاذ ما يرونه مناسبا من إجراءات تحمى أمن مصر .. !!

– والحقيقة إن الخطوة دى من جانب مصر اكيد مش خطوة اعتباطية ولكنه تحرك ، إما بناء على معلومات مؤكدة إنه بيتم التحضير لشيئ جلل من جانب دولة الكيان أو رد على زبادة الضغوط فى الغرف المغلقة لتمرير موضوع التهجير الى اراضى سيناء !!

طب هل دى كلها تصريحات عبثية بدون تحركات على الأرض !!؟ 

– الحقيقة لأ لأن قبل التصريحات والإجراءات من جانب مصر والاردن ، وبالتوازى معهما وصل حجم الحشود العسكرية من الجانبين سواء فى مواجهة الضفة الغربية أو فى شمال سيناء ، مايتخطى حاجز ال 350 الف مقاتل ، و ده غير الآليات العسكرية اللى تم حشدها !!

– وفى المقابل قامت دولة الكيان يإخلاء بعض مطارتها العسكرية من الطائرات الحربية وإرسالها لبعض المطارات العسكرية فى الدول الحليفة المجاورة زى قبرص مثلا

لتكون تحت حماية القواعد العسكرية الاميريكية فهل ده كان إجراء استباقى من جانب دولة الكيان لحماية سلاح طيرانها .. نتيجة اعتزامهم القيام يإجراء مجنون وتوقعهم إنه ممكن يكون فيه رد من القوى الإقليمية (مشوها القوى الاقليمية) فى الداخل الاسرائيلى نفسه !!كل شيئ وارد ..

– مش كدة وبس لكن كمان بعد سيطرة جيش دولة الكيان على شمال ووسط القطاع

– طلع “النتن.هو” يقول انهم على قناعة إن قيادات “حركة سماح” موجودة فى جنوب القطاع وأنهم مش هينهوا الحرب غير لما يقضوا على سماح !

– وأكد على نفس الكلام أثناء لقائه مع وزير خارجية إنجلترا إنه لاتراجع حتى يتم القضاء على سماح !!

– لكن فجأة الأمور بتهدأ ويتم الإعلان عن هدنة 4 ايام قابلة للتمديد يتم فيها تبادل للاسرى ( 50 أسير إس.رائي.لى ، فى مقابل 150 أسير فلس.طين.ى) .. لكن مع إقرار الهدنة صدر من مصر تصريحين مهمين جدا !!

– أثناء فعالية تحيا مصر اللى اتعملت فى استاذ القاهرة لدعم أهالي غزة .. يلقى الرئيس السيسى كلمة مهمة .. ويعلن عن حجم المساعدات اللى اعطتها مصر للقطاع بما يتجاوز 70% من اجمالى المساعدات الدولية

– وقال بمنتهى القوة إن مخطط التهجير ده خط أحمر

– وإن مصر لن تقبل بيه ولن تسمح بيه لن تقبل ولن تسمح وقال انه يتمنى إن الهدنة دى يتم تمديدها

– ولاحظ إن الرئيس السيسى لا يعرف العنتريات ومش بيلقى بالتصريحات كدة جزافا وخلاص !!!

– التصريح التانى كان النهاردة أثناء المؤتمر الصحفى اللى كان مابين مصر ممثلة فى الرئيس السيسى ورئيسى وزراء اسبانيا وبلجيكا

– واللى أكد فيه على رفض مصر لمخطط التهجير واتفاق اسبانيا وبلجيكا مع مصر فى ذلك وأضاف إن العالم كله لازم يتحد لإيصال مساعدات تكفى 2.5 مليون انسان .. وقال اننا صحيح فى مصر عندنا حوالى 9 مليون من الضيوف لكن الناس دى بلادهم موجودة وممكن يرجعولها لكن أهالي الضفة والقطاع لو خرجوا من بلادهم مش هيرجعوا تانى ابدا

اترك رد